عـــفـــواً لـقـد نـفـذ رصـيـدكــم
إمبارح بعد صلاة العشاء طلعت الموبايل من جيبي وجيت أتصل ..
ردت عليا واحدة قالتلي ( عفوًا رصيدك الحالي لا يكفي لإتمام هذه المكالمة )
فبجد إتضايقت أوي و جريت على السنترال وشحنت 5 جنيه عالهوا عشان المكالمة
كانت فعلاً ضرورية ،،
وساعتها جه ف بالي موقف أحكيهولكم وإنتوا عيشوا معاه ، ماشي ؟
تخيل يوم القيامة .. وكلنا موقوفين بين يدي الله سبحانه و تعالى
و منا إللي هيدخل الجنة - ربنا يجعلنا منهم - ،،
و منا و العياذ بالله إللي هيدخل النار - الله لا يجعلنا منهم - ،،
فتخيل لو إنتا جيت تدخل الجنة فنادت عليك الملايكة مع الفارق طبعًا ،
( عفوًا رصيدك الحالي لا يكفي لدخول الجنة )
شعورك ساعتها هيكون إيه ؟
وطبعًا رصيدك ميكفيش عشان كفة السيئات رجحت على كفة الحسنات
طيب السؤال ::
ليــــــــــــــــــــــــــــــــــــــه ؟؟ !!
دي الحسنة بعشر أمثالها ... و السيئة بسيئة واحدة بس ،،
فلما كفة السيئات ترجح على كفة الحسنات أكيد فيه خلل حصل ، صح ؟؟؟
الخلل ده هو ( التهاون في إرتكاب السيئات )
وعلى الصعيد الآخر ( التكاسل عن فعل الحسنات )
فكانت النتيجة إن كفة السيئات رجحت على كفة الحسنات
و بقى ::
رصيدك لا يكفي لدخول الجنة !!!!!
وطبعًا لما بيرد عليك الكمبيوتر عشان يقولك
.. عفوًا رصيدك الحالي لا يكفي لإتمام هذه المكالمة ..
بيكون على سبيل التنبيه ، يعني ممكن تروح تشحن و تتكلم براحتك ،،
إنما ( عفوًا رصيدك الحالي لا يكفي لدخول الجنة ) مفهاش رجوع تاني خالص !!
عشان كده و عشان منسمعش كلمة زي دي يوم القيامة و العياذ بالله ،
يلا نحافظ على رصيدنا من الحسنات ونزوده .. ونشحن أول بأول !!
ونحاول على أد ما نقدر نتجنب السيئات عشان ندخلها سوا يا شباب
... الـجــنـــــــــــــــــــــــــــــــــــــــــــ ـــــــة ...
اللهم إننا نسألك الجنة
وبدل من سمع إن رصيدنا ميكفيش لدخول الجنة ،
نسمع ::
" إدخلوها بسلام آمنين .. "
جعلنا الله و إياكم من أهلها
آآآآآآآآآآآآآآآآآمين
*
*
*
وآخر دعوانا أن الحمد لله رب العالمين
والصلاة والسلام على المبعوث رحمة للعالمين
نبينا محمد وعلى آله وصحبه وسلم أجمعين
موضوع: عـــفـــواً لـقـد نـفـذ رصـيـدكــم 
