نـكـــــــت مصـــــريـــــه

السلام عليكم أخوتى حبيت بما انى مصرية وكمصريين مشهورين بنكتنا وخفة دمنا وقدرتنا على استخلاص الضحكة من اللى حولينا ومن نفسنا حبيت أجيبلكم شوية نكت مصرية بنية ادخال السرور على قلب كل مسلم وكل الناس
هنبدأ دلوقتى علشان مطولش عليكوا
1-

واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال : استنى شوية حاطنّنعك دنوأتي قاله نببنا يخننيك بسنعة قال لهو كمان بتتنيأ ؟؟؟ طب شوف مين حيطننعكّ

2-
كان فيه بطة كل يوم تروح للبقال تقوله عندك سكر يقولها لأ … اخر مرة قالها لو جيتي هنا تاني حأمسمر رجليكي المفرطحة دي في الأرض … تاني يوم راحت قالتله عندك مسامير ؟ …. قالها لأ …… قالتله طب عندك سكر ؟؟


3-واحد أعمى فتح من الفرحة اتشل

4-مره نكته ماشية بتعيط ليه؟؟ عشان واحد ضحك عليها

5-
5فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها
مره نكته ماشية بتعيط ليه؟؟ عشان واحد ضحك عليها


6-س: ما الفرق بين الكمبيوتر و الاتوبيس و الحفرة ؟
ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع

7-مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه

8-مرة واحد راح يشترى ساعة لقاها غالية اشترى 5 دقايق

9-لية الغبى بيلبس تي شيرت علية قطة ؟عشان الفار ميلعبش في عبة


10-مرة واحد كل ما يشوف البرق يضحك ليه ؟ عشان يطلع حلو فى الصورة
11-

واحد غبى واقف قدامه خمس شياطين ليه ….؟؟؟ واحد يوسوسله و اربعه يفهموه
الحل الامثل انك تطلع عين اي واحد وتقرفه في عيشته انك تشوفله حبة نكت مصرية تموت من الضحك وفوازير جامدة كده وتكون نكت مصرية تموت من الضحك وفوازير من النوع الرخم

بتمنى تكون عجبتكو